Blake says resolution not watered down

US Assistant Secretary of State for South and Central Asian Affairs Robert Blake says the US sponsored resolution on Sri Lanka submitted to the UN Human Rights Council was not a watered down document.

In an interview with the BBC Sandeshiya (Sinhala), Blake said that the resolution urges Sri Lanka to work towards reconciliation among all the communities.

He says the resolution does push Sri Lanka to investigate alleged abuses committed during the war and punish those responsible.

Human rights groups had said the final draft of the resolution was watered down. The UN Human Rights Council (UNHRC) adopted the US sponsored resolution on Sri Lanka with 25 in favor, 13 against it and 8 abstentions.

The US Ambassador to the UN in Geneva Eileen Chamberlain Donahoe, in presenting the resolution to the Council, said that there were 41 co-sponsors to the resolution.

Full Interview as appearing on BBC Sandeshiya:

එක්සත් ජාතීන්ගේ යෝජනාවේ සැර බාල කළේ නෑ – ඇමෙරිකාව

සරෝජ් පතිරණ

බීබීසී සිංහල සේවය

ටීඑන්ඒ සහ ශ්‍රී ලංකා ආණ්ඩුව අතර යලි සාකච්ඡා ආරම්භ කිරීම පිණිස ඕනෑම තුන්වැනි පාර්ශවයක් මැදිහත් වන්නේ නම්, එයට සිය සහාය හිමිවන බව එක්සත් ජනපදය පවසයි

එක්සත් ජාතීන්ගේ මානව හිමිකම් මණ්ඩලයට ඇමෙරිකාව මුලින්ම ඉදිරිපත් කළ ශ්‍රී ලංකාව සම්බන්ධ යෝජනා කෙටුම්පතේ “සැර බාල කොට” තිබූ බවට මානව හිමිකම් සංවිධාන එල්ල කරන චෝදනාව ඇමෙරිකා එක්සත් ජනපදය ප්‍රතික්ෂේප කරයි.

ජාතීන් අතර සංහිඳියාව වෙනුවෙන් ශ්‍රී ලංකාව සාධනීය පියවර ගත යුතු බව යෝජනාවේ අන්තර්ගතය බව ද එක්සත් ජනපදය අවධාරණය කරයි.

ඇමෙරිකානු සහකාර රාජ්‍ය ලේකම් රොබට් ඔ බ්ලේක් ඒ බව ප්‍රකාශ කළේ එක්සත් ජාතීන්ගේ මානව හිමිකම් මණ්ඩලය බ්‍රහස්පතින්දා සම්මත කළ යෝජනාව පිළිබඳව බීබීසී සංදේශය සමඟ විශේෂ සාකච්ඡාවකට එක් වෙමින්.

යුධ අපරාධ චෝදනා

තිරසාර සාමයක් සහ සෞභාග්‍යය උදා කර ගැනීම් වස් ජාතීන් අතර සංහිඳියාව උදාකිරීම සහ යුධ අපරාධ චෝදනා ලත් අයට දඬුවම් පැමිණවීමට ශ්‍රී ලංකාව කටයුතු කිරීමේ අවශ්‍යතාවය එක්සත් ජාතීන් විසින් අවධාරණය කොට ඇති බවයි, සහකාර රාජ්‍ය ලේකම්වරයා පවසන්නේ.

යෝජනාව ප්‍රකාර කටයුතු කිරීමට ශ්‍රී ලංකාවේ අපොහොසත් වුවහොත් ජාත්‍යන්තර ප්‍රජාව ගන්නා පියවර කවරේදැයි කළ විමසීමට පිළිතුරු දුන් දකුණු සහ මධ්‍යම ආසියානු කටයුතු භාර සහකාර රාජ්‍ය ලේකම්වරයා කියා සිටියේ, සිය අනාගත ක්‍රියාදාමයන් පිළිබඳව මේ මොහොතේ කිසිවක් ප්‍රකාශ කළ නොහැකි බවයි.

පොරොන්දු වූ ප්‍රකාර ලබන සැප්තැම්බර් මාසයේ උතුරේ පළාත් සභා මැතිවරණය පවත්වා, දෙමළ ජාතික සන්ධානය සමඟ බලය බෙදීම සම්බන්ධ සාකච්ඡා යලි ආරම්භ කිරීමෙහිලා එක්සත් ජාතීන්ගේ යෝජනාව ඉතා වැදගත් බව ද ඔහු පැවසීය.

දකුණු අප්‍රිකාවේ මැදිහත්වීම

දෙමළ ජාතික සන්ධානය සහ ශ්‍රී ලංකා ආණ්ඩුව අතර යලි සාකච්ඡා ආරම්භ කිරීම පිණිස දකුණු අප්‍රිකාව හෝ ඕනෑම තුන්වැනි පාර්ශවයක් මැදිහත් වන්නේ නම්, එයට සිය සහාය හිමිවන බවත් ඔහු ප්‍රකාශ කළේය.

මානව හිමිකම් මණ්ඩලය බ්‍රහස්පතින්දා සම්මත කළ යෝජනාව තවත් දැඩි කිරීම පිණිස ඉන්දියාව අවසාන මොහොතේ දැරූ උත්සාහය ඇමෙරිකා එක්සත් ජනපදයේ අනුමැතිය පළ නොවූ බව මේ අතර හින්දු පත්‍රය වාර්තා කරයි.

එම වාර්තාව සත්‍යද අසත්‍ය ද යන්න පිළිබඳව කිසිවක් පැවසීම ප්‍රතික්ෂේප කළ සහකාර රාජ්‍ය ලේකම්වරයා, එක්සත් ජාතීන්ගේ යෝජනාව ඉදිරිපත් කිරීමේ සමස්ත ක්‍රියාදාමය තුළ ඇමරිකාව ඉන්දියාව සමඟ සමීපව කටයුතු කළ බවත්, ඉන්දියාව ඉදිරිපත් කළ ඇතැම් සංශෝධනවලට සිය සහාය පළ වූ බවත් සංදේශයට පැවසීය.

සහකාර රාජ්‍ය ලේකම්වරයා සමඟ සාකච්ඡාවේ තවත් කොටසක් ලබන ඉරිදා බලාපොරොත්තු වන්න.